У лісце паведамляецца, што бібліятэчная работа прафсаюзаў наладжана дрэнна, аднак адзначаецца, што некаторыя мясцовыя прафарганізацыі ўсё-такі маюць поспехі ў асобных галінах бібліятэчнай справы. У сувязі з гэтым культурны сектар ЦСПСБ, заўважаецца ў лісце, прапануе арганізаваць кіраўнікам асобных бібліятэк абмен вопытам са сваімі калегамі.
У лісце культурным сектарам ЦСПСБ "катэгарычна" прапануецца ўсім бібліятэчным супрацоўнікам г. Мінска наведаць бібліятэчныя курсы, тэматыка якіх наступная: "Асновы марксізму-ленінізму і галоўныя этапы ў гісторыі КПБ"; "Перабудова бібліятэчнай работы і барацьба з буржуазнымі ўплывамі"; "Работа бібліятэкі з грамадска-палітычнай кнігай" і інш.
